S Ö Z A L T I

28 may 1997 b.dortmund - yuventus matçı | idman

1996-97 Uefa çempionlar liqasının finalı. Hazır dortmund da finala çıxmışkən yad ediləsi oyunlardan biridi. Bura qədər 1995 və 1996 bundesliqa çempionu olan Dortmund o sezon b qrupunda 6 oyuna 4 qələbə, Polşanın widzew lodz klubu ilə 2-2 heç-heçə və evdə atleticoya 1-2 hesabla məğlub olaraq 13 xal və averajla Atletico Madridin gerisində 2-ci olmuşdu. Juventus isə c qrupunda 5 qələbə və səfərdə Rapid wienlə 1-1 qalaraq 1-ci olmuşdu. Yeri gəlmişkən, fənərbağçanın Manchester unitedi elvir boliçin qoluyla 1-0 məğlub etdiyi həmin o məşhur oyun da bu qrupda baş vermişdi. Bununla da Unitedin Avrokubok oyunlarında Old Trafforddakı 40 illik məğlubiyyətsizlik seriyası başa çatmışdı.
4/1-də dortmund 1996-cı ilin Fransa çempionu və öz qrupunu 1-ci bitirən Auxerre-i rahatlıqla 3-1 və 0-1 hesabı ilə keçir. Yuventus da nisbətən rahat rəqib olan norveçin rosenborg klubunu 1-1 və 2-0 la keçir. ( deyirəm dönəmin çempionatlarına baxe. İndi nəinki Rosenborgu və Auxerre-i hətta o dövrün güclü Hollandiya klublarını da 8/1-də görmək çətin məsələdi. Türklər demiş makas çox açılıb.) yarımfinalda borussiya Manchester unitedi hər iki oyunda da 1-0 məğlub edir. Maraqlıdı ki, bu matçlar 2024 sezonunun psg ilə olan oyunlarının kopyasıdı. Juventus 1996-cı ilin finalında qalib gəldiyi Ajaxı 1-2 və 4-1 hesabı ilə darmadağın edir. Bu arada Ajax da 1994-95 çempionlar liqası çempionu idi. İzlədiyim ən yaxşı Ajax komandalarından biri idi. Milanı həm öz qruplarında 2 dəfə, həm də finalda keçmişdilər. Z kuşağı nə var bunda? Milan onsuzda zəifdi desə də, söhbət əfsanə milandan gedir.
Və 28 may 1997. Bavariyanın keçmiş evi Münhen olimpiya stadionu. Möllerin, kohlerin, riedlenin, chapuisatın və baş məşqçi ottmar hitzfeldin dortmundu deşamın, zidanın, vierinin, Del pieronun və əfsanəvi baş məşqçi, bundan 9 il sonra İtaliya milli komandasına dünya çempionluğu qazandıran marçello lippinin yuventusuna qarşı. Əlbəttə ki, keçən ilin çempionu Yuventus favorit idi. Amma 29-cu və 34-cü dəqiqədə euro 1996-da ingiltərənin xəyallarını puç edən Karl heinz riedle səhnəyə çıxdı. Yuventus şok olmuşdu. 1-ci dövrə belə bitdi. 2-ci dövrədə isə nələr oldu nələr. Zidanın dirəkdən dönən topu, vierinin əl ucbatından sayılmayan qolu və del pieronun əla daban qolu. Hesab 2-1 olmuşdu. Amma 70-ci dəqiqədə Chapuisatın əvəzinə meydana daxil olan və bütün karyerasını yalnız Borussiya dortmunda fəda edən Lars Ricken abimiz oyuna girdi. Və girəndən 16 saniyə sonra çempionlar liqası finallarının bəlkə də ən yaxşı qolunu vurdu. Yuventusun qapıçısı peruzzi çox öndə dayanırdı oyunlarda. Bunu görən möller pası Rickenə verir və Ricken xarüqə yaradır. 20 dəqiqə sonra isə oyun bitir. Və dortmund tarixinin ilk çl finalında qalib olur. Haşiyəyə çıxım: 2013-də bavariyaya uduzan dortmund da pis komanda deyildi. Sadəcə bəxtləri gətirmədi. Bu il isə Real madridlə işləri çox çətin olacaq. Çempionluq xəyaldır. 27 il öncə də xəyal idi amma bacardılar. Görək bu il necə olacaq.

Əfsanəvi fosforlu sarı forması ilə Dortmund komandası


Həmin o məşhur vuruş



Seremoniya





Bu da türkçə icmal

https://www.dailymotion.com/video/x60fuiv

tissot prx | texnologiya

Son illərin ən "xod" gedən qol saatı. Ölkəmiz standartları üçün baha olsa da 1000 dollardan ucuz olduğu üçün birinci dünya ölkələrində "affordable" seqmentinə daxil olur.


Tissot, saatın dizaynının 70-ci illərdə satdığı tissot seastar modelindən götürüldüyünü deyir.

Amma həmin seastar modelinin dizaynının da Audemars Piguet royal oak-dan ilhamlandığını hər kəs yaxşı bilir.

Saatın bilərziyi royal oak-da olduğu kimi inteqrasiya olunmuş bilərzikdi. Yəni bilərziyin saatın gövdəsinə birləşən birinci parçası gövdəyə inteqrasiya olununub və tam qatlanmır.

Elə bu səbəbdən də saatın ayaqdan-ayağa (lug to lug) uzunluğu xeyli böyükdü. Belə olan halda qol ölçünüz incədisə saatın bilərziyi qolunuzdan kənara "daşır".

Normalda 42-43 mmlik saatları rahatlıqla taxan mənim belə biləyimdə 40 mmlik versiyası böyük görünürdü. Ona görə alarkən taxıb yoxlamaq lazımdı.
Kvars versiyada sferblat sadə dizayndadı. Xəfif sunburst effekti var.

Mexaniki versiyada isə vafli dizaynına sahibdi

Saatla bağlı ən böyük müzakirə mövsuzu içindəki mexanizmdir. Powermatic 80 mexanizmi 80 saat enerji rezervi versə də mexanizmin bəzi detallarının plastik olması fikir ayrılığına səbəb olub. Bəziləri plastik detalların metal detallar kimi bir-birinə sürtünərkən yeyilmədiyini və buna görə uzunömürlü olduğunu deyir. Bəziləri də plastik detalların aztapılan olduğu üçün saatın təmirinin çox çətin olduğunu deyir.
Saatın populyar olmasına görə tonla fərqli rəngi və versiyası mövcuddu.
35 və 40 mm-lik kvars versiya

35 və 40 mm-lik mexaniki versiya

42 mm-lik mexaniki xronoqraf versiya


Və ən bərbad versiya olan digital versiya


Alternativi üçün (baxma: citizen tsuyosa)

ray ban | sağlamlıq

1936-cı ildə qurulmuş olub 1999-cu ildən etibarən luxottica'nın tərkibinə alınan, Verdiyin pulun son qəpiyinə kimi layiq olan,
aviator wayfarer və clubmaster seriaları ilə məşhurlaşmış amerika mərkəzli eynək şirkəti. bütün təbəqələrdən olan insanlarçün əlçatan olan azsaylı brendlərdən biridir. Bir milyarderin də gözündə görmək mümkündür, orta gəlirli insanın da.

Materialının premiumluğunu əlinə aldığın andaca hiss edilir. möhkəm, dözümlü olmasına baxmayaraq yüngül və keyfiyyətli materialdan olması sayəsində burunun üstündə gözəçarpan izlər qoymur və eynək taxdığını belə unutdurur adama. Lensləri modeldən asılı olaraq polikarbonat və ya mineral şüşədir. Onsuz da yetəri qədər pul verilir deyə, məncə, bir azca artıq ödəyib mineral şüşə olanı almaq daha məntiqlidir.

Almaq istəyənlər üçün texniki 1-2 detala deyinim. Yəqin ki, eynək taxan hər kəs "50/22/150" tipli yazıların çərçivə ölçüsü, burun hissənin genişliyi və sap uzunluğunu bildirdiyindən agahdır. Deyildisə də, artıq öyrənmiş oldu. ray-ban Modellərinə göz atarkən əlavə olaraq, əksər hallarda "g15" yazısını görmək mümkündür. G15 ray-ban'in 1937-dən bu yana istehsal etdiyi ən əsas şüşəsidir. G15-lə bərabər "b15" yazısını da görmək mümkündür. Bu kodlar şüşənin kodlarıdır. "g" hərfi "green", "b" hərfi "brown" sözündən gəlir, şüşənin rəngini bildirir. "15" rəqəmi isə lenslərin filter göstəricisidir. işığın 85%-ni bloklayıb 15%-ni buraxdığını göstərir. Təbii ki, bunlar standart (yəni sadəcə uv qorumalı) lenslərə aiddir, polarizə lenslərdə durum dəyişir.

Polarizənin də nə olduğunu bilməyənlər üçün qısaca izah edim. Polarizə qat gözün yorulmaması və daha aydın görüş üçün istifadə olunur. Ən əsas özəlliyi rəngləri daha kontrastlı, daha canlı verməsi və ən əsası da, yansımaları önləməsidir.

Yansıma deyərkən işığın qışda qarın, buzun, yayda asfaltın, maşınların, suyun üzərində yaratdığı bütün növ üfüqi olan parıltıları nəzərdə tutulur. Düzü, yuxarıdakı şəkildə bir az şişirdilib, ancaq məntiqi başa düşmək üçün yetərlidir. Bu arada, diqqət etdinizsə, bir əvvəlki cümlədə "üfüqi" sözünə xüsusi vurğu etdim. Çünki şaquli olan(məsələn, yandan və ya binaların şüşələrindən gələn) parıltıları önləmir. Əslində, polarizənin niyə belə işlədiyinin məntiqini mən də tam dəqiq bilmirəm* biri çıxıb bu barədə entri yazsa, əla olardı . Ancaq müqayisə olaraq fotoqrafiyadan anlayışlı şəxslərə polarizə lens filterləri üzərindən başa sala bilərəm. İstifadə edənlər bilir ki, bu filterlər lensin önünə taxılanda təkər kimi 360 dərəcə döndürmək olur. Duruma uyğun olaraq onu fırladıb fotosu çəkiləcək yeri polarizə edirik. Lakin gün eynəklərində şüşənin üzərinə əlavə vasitə taxılmayıb birbaşa olaraq şüşənin özünə çəkildiyindən sadəcə müəyyən limitli bir bucaq altında olan parıltıları önləyir. işığı yansıdan və gözü yoracaq olan parıltılar əksər hallarda qar, buz, qızmar günəş altındakı asfalt, maşınların və suların səthləridir, hansılar ki, yerə üfüqi şəkildə paraleldir, ona görə də eynəklərdə şaquli yox, üfüqi işığın qarşısını alacaq formada polarizə qat çəkilir. * nəsə elə bil çox qəliz oldu

Bir ray-ban Eynəyi seçərkən onun polarizə olub-olmamasını anlamaq isə çox bəsitdir. Bütün Ray-ban eynəklərinin sağ (öndən baxanda sol) şüşəsinin küncündə marka adı kimi "ray-ban" yazısı olur. Əgər eynək polarizədirsə, marka adının yanına bir də "p" hərfi qeyd olunur

və şüşənin üstündə standart olaraq "g-15" stikeri deyil də, "polarized" yazılı sticker olur.

Eyni zamanda kodlama olaraq da eynəyin sol sapının içərisində ən sonda rəqəm və "p" hərfi ilə işarələnir. Misalçün öz eynəyimdəki kod:

Eynəyin qutusunun içərisində çıxan təlimatda sapdakı son 2 rəqəm və hərfin eynəyin günəş radiasiyasına qarşı nə dərəcədə qorunma təmin etdiyini bildirdiyi qeyd oıunub:
0 - çox zəif
1 - zəif
2 - orta
3 - yüksək
4 - çox yüksək
"n" hərfi "normal", "p" hərfi də dediyimiz kimi "polarized" anlamına gəlir.

Reddit'dən tutmuş quora'ya, ordan da üzü türk forumlarına qədər saysız-hesabsız başlıq açılaraq soruşulan, hətta bakıdakı rəsmi satış yerlərində belə cavabı tam əminliklə verilə bilməyən bir suala tam rəsmi bir cavab vermiş olum. Məsələ belədir ki, insanlar eynək alarkən "uv400 yoxsa polarized?" seçiminə düşürlər. Hər zaman da sual yaranır ki, "görəsən, polarizə eynəklər həm də uv400-dür?". Özüm keçən ay araşdırma edəndə dəqiq cavab tapmadığım üçün şirkətin amerikadakı müştəri xidmətlərinə mail yazdım. Sağ olsunlar, gün ərzində də cavabladılar və buradan elan edirəm mən də -*
"bütün ray-ban eynəklər uv400 qorumalı şüşəyə sahibdir. mavi işığın böyük çoxluğunu, uv-a və uv-b kimi zərərli şüaların isə 100%-nin qarşısını alırlar. yəni polarizə olan ray-ban'lar həm də uv400-dür. Lakin özlərinin qeyd etdiyi bir əmmanı da deyim. Polarizə olan ray-ban eynəklər g-15 (və ya b-15) kodlu şüşəyə sahib olduqları deyilsə də, "texniki olaraq" 15 sayılmırlar. Çünki mail'də qeyd olunmuşdu ki polarizə olduğundan bu şüşə normal işığın 89%-ni bloklayır və 11%-ni keçirir. Bu da "texniki olaraq" şüşənin g-15 deyil də g-11 olmasına gətirib çıxarır.

Son olaraq, ümumən gün eynəyi almaq istəyənlərə eynəksiz gəzəndə gözləri sulanan biri kimi mənim tövsiyəm o olardı ki, mütləq şəkildə polarizə olan eynək alsınlar* polarizə ray-ban üçün əlavə 50$ ödəməlisiniz . Xüsusilə də maşın sürənlər, uzun yola çıxanlar üçün həyat qurtaran şeydir polarizə eynək. Çünki mən özüm sadəcə uv400 olan eynək taxanda davamlı şəkildə "eynəyin də var, niyə gözlərini qıyırsan?" deyirdilər. Bunu istifadə edəndən sonra anladım ki, problem polarizə olmamasında imiş: o yansımalar gözümü qamaşdırırmış. Həmçinin, 200, 300, 500 - hər nə qədərdirsə, pula qıyın, mütləq şəkildə eynək işinin içində olan markaları alın. Ray-ban olmasın, olsun persol, oakley, tom ford, prada və s. Əsas odur güvənilir brend olsun. Həm də ki, yazıda qeyd etdiyim 85-89% işığı bloklamaq məsələsi də gözünüzü qorxuzmasın. İllər Əvvəl 50-60 manatlıq poddelka eynək taxırdım, hansı ki bildiyin adi qara plastik idi, "gün eynəyi" adı altında qaraldırdı hər yeri. Kiminsə axşam vaxtı gün eynəyi taxdığını görəndə də qəribsəyirdim ki, kor kimi heç yeri görmədiyi halda bu niyə gözündən çıxarmayıb? Dünən başıma gələn bir hadisədən sonra indi anlayıram o insanları. Dünən axşam şəhərdə dostumla qarşılaşanda "hava qaralıb, gün eynəyi niyə taxmısan?" deyəndə ayıldım ki, eynəyimi dəyişməmişəm, gözümdə qalıb. İnsan kağız üstündə "89% işığı bloklayır" cümləsini görəndə elə bilir ki, hər yeri zil qaranlıq edəcək. Di gəl ki, digər şəffaf eynəyimdən tək fərqi ətrafı cüzi bir yaşıl filterlə göstərməsidir, hansı ki buna rəğmən əşyaların rənglərində və tonlarında bir qram dəyişiklik yoxdur, necədirlərsə elə də görünürlər. Amma bununla belə günəş və ümumiyyətlə, digər işıqlar insanın gözünü bir qram da yormur* türklər demiş, ohh, dünya varmış. İndi oturub illərdir niyə ağıl edib düz-əməlli bir gün eynəyi almayıb gözlərimə əziyyət vermişəm deyə heyifsilənirəm.

Yekun olaraq, Ortalıqda həddindən çox geydirmə ray-ban var. Əvvəllər original ilə fake arasındakı fərqi lazer ilə şüşəyə qazınmış "rb" loqosundan, kodlardan və s şeylərdən anlamaq asan idi, amma indi elə fake ray-ban'lar var ki, heç illərin optikaçısı belə ayırd edə bilmir hansı originaldı, hansı fake. Yuxarıda bir yazar hər gələnin gözündə ray-ban olduğunu deyib, ancaq demək olar 90%-i fake ray-ban'dır. Odur ki, rəsmi satış nöqtələrindən almaq lazımdır. Bakıda occi və 28 mall'dakı sunglasshut mağazalarını məsləhət görürəm. Əsas da sunglasshut. Çünki ray-ban şirkəti luxottica'nın tərkibindədir və sunglasshut da luxottica qrupun məhsullarını satan ən əsas mağazadır. Türkiyədən alınacaqsa, atasun optik və elə ordakı sunglasshut məsləhətdir. Amma məncə, ən yaxşısı ya amazon'da rəsmi ray-ban mağazından və ya elə sırf ray-ban'ın öz saytından almaq ən yaxşıdır. 10-15 gün gözlə, amma ən azından için rahat olsun ki, tamamilə original, keyfiyyətli və ömürlük bir eynək almış olacaqsan. Həm də ki, öz saytında digər yerlərdə olmayan hər cürə "option"ları görmək mümkündür. İstədiyin kimi çərçivə, şüşə rəngini, polarizə olub-olmamasını, hətta üzərinə lazerlə söz yazılmasını belə seçmək olur. Şəxsi zövqümcə elə ən yaxşısı, wayfarer modelini almaqdır. 70 illik klassikləşmiş dizayn elədir ki, hər tip üz quruluşuna, hətta eynək yaraşmayan insanlara belə yaraşır. Əslində, wayfarer özü öz içərisində "classic/ ease/ new/ folding/ mega" olaraq 5 tipə bölünür. Entri yetəri qədər uzun olduğundan model fərqlərinə girib daha da uzatmaq istəmədim. 2 ay elə didik-didik araşdırma elədim ki, bildiyin satış mütəxəssisinə çevrilmişəm :d. Odur ki, almaq fikrinə düşən olsa, heç çəkinmədən mesaj qutumu yaşıllandıra bilər, əlimdən gələn hər köməyi edə bilərəm.

1984-85 serie a sezonu | idman

Serie a tarixinin ən gözlənilməz sonla başa çatan sezonu. Ümumiyyətlə bu sezon bir çoxlarına görə "serie a-nın serie a olduğu illər" ifadəsinin ilk ilidir. Amma real yanaşsaq 1982-83 sezonundan, yəni Michel Platininin Yuventusa transferindən sonra hər şey möhtəşəm olmağa başlayır. Zatən Yuventusda Gaetano Scirea, Antonio cabrini, Marco Tardelli, ən yaxşı çempion ola bilməyən komanda olan 1982 Braziliyasını ağlar qoyan Paolo Rossi və gəlmiş keçmiş ən yaxşı qapıçılar siyahısında mənə görə ilk 3-lükdə olan Dino Zoff da var idi. Platini gələndən sonra olur konfet.
Amma gələk bu sezona. Əsas Komandaların vəziyyətini ayrı-ayrı yazmağa çalışacam.
Yuventus keçən sezonu çempion olaraq bitirmiş və ümumilikdə 21 çempionluğa çatmışdı. Yayda lazionun super ulduzu Bruno giordano ilə razılığa gəlsələr də, bruno sonradan astronomik maaş tələb edir və iş pozulur. Zatən bu sezon lazio da serie b-yə düşür. Bruno da növbəti sezon Napoliyə keçir. Amma bu sezon yuventusun işləri yaxşı getmir və ilk 5-likdən kənarda qalırlar. Buna baxmayaraq komandanın ulduzu olan və 1984-də Fransa ilə Avropa çempionu olmuş Platini 18 qolla sezonun bombardiri olur. Serie a-dan əli üzülən Yuventus fikrini çempionlar liqasının keçmiş adı olan Çempion klublar kuboku turnirinə verir. Heysel faciəsinin baş verdiyi finalda məhz Platininin penaltisi nəticəsində Liverpool üzərində qələbə ilə Avropanın böyüyü olurlar.
Sezonun Daha bir önəmli hadisəsi isə tarixin ən yaxşı oyunçusunun Barcelonadan Napoliyə transfer olunması idi. Bəziləri Maradonanın Barcelonada istəniləni vermədiyini düşünərək onun kaprizli olduğunu bildirir. Amma Barcelona - Maradona məsələsi tamam başqa söhbət mövzusudur. Çoxları Napolinin çempion olmağını gözləsələr də bu 3 il sonra baş verir. Komandanın ən yaxşısı Maradona olsa da təkbaşına Napolini çempion etməsi imkansız idi. Ətrafında yaxşı oyunçular yığılandan sonra o, tarix boyu şimallılar tərəfindən lağ edilən və ələ salınan Neapolu 2 dəfə İtaliyanın böyüyü etməyi bacarır.
Fiorentina isə 82 Braziliyasının əfsanə kapitanı və karyerasında sadəcə 1 sezon Avropada oynayan Socratesi transfer edir. Amma matçlarda istəniləni verə bilmir, məşq üsullarını bəyənmir, həddindən artıq siqaret çəkir və içki içir, məşqçilərlə dalaşır və sezon sonunda Braziliyaya qayıdır.
Roma 1982-83 sezonunu çempion bitirəndən sonra 1984 Çkk turnirində liverpoola penaltilər seriyası nəticəsində məğlub olur. Romanın əsas ulduzlarından biri yenə 82 Braziliyasının oyunçusu olan Falcao idi. Onun çkk finalında penaltini vurmaqdan imtina etməsi, sol dizindən zədələnməsi, komandanın onun üçün həddən artıq pul xərcləməsi Falcaonun da sezon sonunda Braziliyaya qayıtması ilə nəticələnir.
Demək olar ki, sezonun ən yaxşı heyətlərindən birinə sahib olan İnter isə o qədər yaxşı nəticələr əldə etmir və sonda 3-cü olur. Milan da eynilə qənaətbəxş çıxış etmir və sezonu 5-ci bitirir.
Gələk Çempion Hellas Veronaya. Bu hadisəni yalnız 2016-cı ildəki Leicester city çempionluğu ilə müqayisə eləmək olar. Belə nağıllar məncə bir də olmayacaq. Zatən Veronanın ilk və tək çempionluğudu. Bu "balaca" klubun çempionluğunda əsas rollar yayda transfer edilən alman Hans Peter briegel və danimarkalı preben elkjaer ilə birlikdə oyunun sistemini onların üzərinə quran baş məşqçi osvaldo Bagnoli olur. Qapıda da garella əfsanələr yaradır, amma sezon sonunda çempion olmaq üçün sağa sola pul xərcləyən (təbii ki, bunda siciliya mafiyasının da rolu böyükdür) Napoliyə keçir. Komandanın əsas qol maşını guiseppe Galderisi olur və ümumilikdə 11 qol vurur. Hellas verona ilk turda maradonalı Napolini 3-1 məğlub edir. Yuventusu ilk dövrədə 2-0, Romanı isə 1-0 la keçirlər. 2ci dövrədə isə hər ikisi ilə heç-heçə edirlər. İnter və milanla isə hər iki dövrədə matçlar heç-heçə bitir. Verona sezon boyunca sadəcə 2 dəfə məğlub olur. 15-ci turda avellinoya 2-1, 25-ci turda Torinoya 1-2. Ki Torino da bu sezonu əla keçirib sonda 2-ci olur. Ümumilikdə verona 30 oyuna (15 qələbə, 13 heç-heçə və 2 məğlubiyyət) 43 xal toplayır. 29 tur lider olurlar. Sadəcə 16-cı turda İnter 1 həftəlik lider olur. O dərəcədə əzmkar oynayırlar. Coppa Italiada isə 4/1-də İnterə uduzurlar. İnter yarımfinalda Milana, milan isə finalda Sampdoriaya məğlub olur.
Bir haşiyəyə də çıxmasam olmaz. Serie a tarixində məhz bu sezon bir ilk gerçəkləşir və bu sezondan sonra bir daha bunu etmirlər. Bura kimi hansı hakimin hansı oyunu idarə edəcəyi 3-5 gün qabaqcadan müəyyən olunurdu. Amma bu mövsüm məhz oyun günü püşk ilə hakimlər təyin edilir. Və Hellas verona çempion olur. Və bir daha bu üsul təkrarlanmır. Və verona kimi "balaca" komandalar bir daha çempion ola bilmir. İf you know, you know.
Son olaraq fantastik mövsümün ilk 5-liyi və bəzi səhnələr:

28 may 1997 b.dortmund - yuventus matçı | idman

elden ring ★ wiki | oyun

2022-ci il fevral 25-də çıxışını etmiş, direktorluğunu Hidetaka miyazaki və yazarlığını game of thrones serialı və kitablarından tandığımız george.r.r martinın üstləndiyi açıq dünya, rpg, soulslike temalı oyun. əgər əvvəlki soulslike seriyası oyunları oynamısınızsa və yeni macəralar axtarırsınızsa bu oyun tam sizə görədir. gələk mənim bu oyun ilə bağlı hisslərimə. verildiyi pulu sonuna qədər hak edən tək oyun və ya mənim tanıdığım tək oyun. oyun içində 80 saatlıq original content var, plus oynanışlar və kəşflər eləcədə new game plus sayılsa minimum 300 saatlıq content var. 60$ olan qiyməti ilə fikrimcə alınması doğru deyil çünki endirimlərlə daha uyğun deal-lar tapmağ mümkündür. bu o demək deyilki 60$ hak etmir. xeyr hətta deyərdim ki, bu qiymətə sizə buqədər entertainment sunan bir şey yoxdur. oyunda story, oynanış, building və bir çox açar kəmiyyətlər necə desək oyunu oyun edən hər şey top səviyyədədir. oyunu digər souls oyunları ilə qarşılaşdıranda isə elden ring asanlıqla üstə çıxır. bunun səbəbləri kimi qrafiklər, oyun içi mexaniklər və s. göstərmək olar. elə bu səbəbdəndir ki, 2022-ci ilin ən yaxşı oyunu mükafatını alıb. fikrimcə bu oyun kimi hər tərəfli oyun yoxdur, səbəbinə gəldikdə isə bu oyun nə digər souls oyunları qədər hardcore çətindir (hələdə hardcore çətindir) nə də sizi sadəcə bir yol ilə oynamğa zorlamır. bir növü desək oyun noob-friendly-dir. çünki, əgər bir bossu kəsə bilmirsinizsə, o zaman biraz level toplayıb, öz oyun stiliniz qurub, fərqli modifikasiyalar ilə daha güclü şəkildə dönə bilərsiniz. oyun buna şərait yaradır. bu baxımdan əvvəlki oyunlardan fərqlənir. yəni oyunçunu bir yolla oynamağa zorlamır və ya oyunda irəliləmək üçün illa da bossu kəsmək lazım deyil.

tissot prx | texnologiya

ray ban | sağlamlıq

1984-85 serie a sezonu | idman

red hot chili peppers | musiqi

kodak

1986 klivlend şar festivalı | tarix

(youtube: )

i̇qbal bano | musiqi

lui paster ★ wiki | elm

mikrobiologiyanın banilərindən biri, dahi şəxsiyyət.

hər zaman müasir dövrdəki kimi * ? güllük-gülüstanlıq deyildi. fərqli dövrlərdə fərqli xəstəliklər tanrının bəlası olaraq qəbul edilir, böyük fəlakətlərə, itkilərə səbəb olurdu. hər nə qədər bəşər övladının yolunu azması və başına gələcək bədbəxt hadisəyə haqlı olaraq layiq olması kimi fəlsəfi düşüncələr, o məşhur ifadədəki kimi əsassız iddialar irəli sürülsə də, reallıqlar dəyişmir. epidemiya, pandemiya var və çarə tapmaq lazımdır! bir neçə nümunə verəcəm:

1) * yaxın keçmişdən bəhs etsək haiti xolera epidemiyası 2011ci ildən bəri 9000dən çox insan öldürdü!

2) yatalaq 1847ci ildəki epidemiyada 20.000dən çox insanı tələf etdi!

3) taun 1665-1666cı illərdə 100.000dən çox insanı çarəsiz qoyaraq ölümə tərk etdi.

tarix boyu ən qorxunc və məşhur pandemiyalar taun olaraq yadda qalıb. ən böyük 3 pandemiya olub tarix boyu. albert kamyunun da bəhs etdiyi 1894-1903cü il pandemiyasında təxminən 10 milyon, 1346-1350 il pandemiyasında 50 milyon və Justinian pandemiyasında 541-542ci illərdə, sonralar, ümumən 100 milyon insanın xəstəlikdən dünyasını dəyişdiyi bildirilir.

4) ilk xolera pandemiyası 1817-1824cü illərdə * qeyri-dəqiq rəqəmlər olsa da 110.000dən çox cana qıydı.

ikinci xolera pandemiyası 1829-1851ci illərdə 120.000dən artıq adamı öldürdü.

*üçüncüsü ndə 1852-1860 arası 23.000 qədər,
*dördüncüsü ndə 1863-1875də 705.00ə yaxın,
*beşincisində 1881-1896cı illərdə təxminən 982.000,
*altıncısında 1899-1923də 800.000dən çox
*və nəhayət yeddincisində , 20ci əsrin sonlarınacan təxminən 600.000ə yaxın insanın infeksiyaya yoluxub vəfat etməsinə gətirib çıxardı.

*əgər maraqlı gələcəksə, son məqalədən:

--spoiler--


There were also many reports of a cholera outbreak near Baku in 1972, but information about it was suppressed in the USSR.


--spoiler--

5) donuz qripi pandemiyasının isə 2009cu ildə 284.000 qurbanı oldu.

hong-kong qripi 1968-1969cu illərdə , rus qripi 1889-1890cı illərdə müvafiq olaraq 1 milyon insanın tələf olmasına gətirib çıxardı. 1957- 1958ci illərdə asiya qripi 2 milyon insanı öldürdü. ispan qripi 1918-1920ci illərdə 20 milyon insanı tələf elədi.

6) 20ci əsrin sonlarından bəri ortaya çıxan aidsin * qiçs * spid o zamandan bəri 39 milyon insanın canını aldığı hesablanır.

və biz eboladan qorxurduq? gülünc görünmür?

bu statistika bizə nəyi göstərir? tarixin axışının necə dəyişdiyini, bir zamanlar, böyük diktatorların verdiyi qərarlardan daha çox, görkəmli elm adamlarının verdiyi qərarların, apardığı araşdırmaların həyat qurtardığı nəticəsinə gəldiyini görə bilərik. müqayisəyə belə gəlməz.

və o adamlardan birini düşünün. ona elm dünyasında müqəddəs lui deyirlər. o, normal bir elm adamından daha çox hörmət sahibi olmuşdu, xarakteri, kimliyi, iradəsi onu elə bir zirvəyə qaldırmışdı ki, ondan ilham alan bir çox elm adamları daha böyük uğurlar qazanmaq üçün luini ideal olaraq görür və ya fərqli sahələrdə öz uğurları ilə tanınan şəxslər ona iş birliyi üçün gəlirdilər. bütün dünya sanki ondan şəfa diləyirdi.

o, ixtisaslı həkim belə deyildi. fizika və kimya təhsili vardı. zamanının çoxunu laboratoriyada keçirirdi və xəstələrlə bir təbib olaraq münasibəti təsvirlərinizi xeyli dəyişdirə biləcək qədər az idi. laboratoriyada o qədər çox müddətini keçirirdi ki, 27 yaşında marie laurentlə evliliyi zamanı hekayəyə görə laboratoriyadan zorla dartıb çıxarılıb məclisə gətirilmişdi. qərarlı idi və vaxtını düzgün dəyərləndirməyi də bilirdi. evləndiyi xanım, oxuduğu universitetin rektorunun qızı idi. o, məktub göndərərək bildirmişdi:

--spoiler--


gizləməyə nə hacət, varım yoxum bir ailəmdi. işimi canla-başla görən oğlanam, prosta lui de tanıyacaqlar. gələcəyim indiki məqsədim dəyişməsə kimya ilə bağlı olacaq. gözlədiyim nəticələri əldə etsəm, parisə köçəcəm. razısızsa, allahın əmri peyğəmbərin kavliylə qızınızı könlümə yar, dərdlərimə şərik, ömrümə yoldaş etmək istəyirəm, papam strasburqa gələcək təklif üçün.


--spoiler--

həqiqətən də paster ailəsi kasıb idi. atası dəriçi idi. anası pasterin təlim-tərbiyəsinə diqqət edirdi. əvvəl müəllim olmaq istəyirdi. həm də rəsm bacarığı vardı. 21 yaşında universitetə qəbul olur, 25 yaşında izomerlik, kristalloqrafiya və optika ilə bağlı ixtisaslaşaraq məzun olur. və mikrobioloq, kimyaçı, əczaçı və immunoloq olma yolunda irəliləyir.

mikrob nəzəriyyəsi ənənəvi olaraq prioritet məsələlərdən idi. revizyonist tarixçilər bəzən ən önəmli tarixi xəstəliklərin çoxunun səbəbinin mikroorqanizmlər olduğunun kəşf oluna bilməyinin, müəyyən bir uyğunluq təmin olunana qədər onlarca il davam edən müzakirələrlə mümkün olduğunu bildirirlər. bu görüşə görə də, paster öləndən uzun müddət sonra tibb şəfa tapmaq baxımından çatışmazlıqlara şahid olub. hiv infeksiyası, lassa qızdırması, legioner xəstəliyi - maraqlı tarixini mütləq oxuyun. - kimi yeni xəstəliklərin ortaya çıxması, mikroorqanizmlər arasında dərmanlara dirəncin yayğın şəkildə inkişafını və qərb cəmiyyətlərində infektiv olmayan xroniki xəstəliklərin getdikcə yayğınlaşması mikrob nəzəriyyəsini başqa bir perspektivə yerləşdirib.

bir düşünün 20.ci əsrin əvvəllərində sistolik təzyiqi 200lərdə olan biriləri üçün bunun normal olduğunu qəbul edib "Essential hypertension" adı qoyurlar. bir çox öncül elm adamları, özlərinə görə iddialı çıxışlar edirlər. thomas mckeown bildirirdi ki, xəstəliklərin və ölümlərin azalmasının səbəbi tibbin irəliləyişi yox, insanların özünə daha çox diqqət etməsi, sağlam həyat tərzidir. insan düşündükcə heyrətə gəlir!

paster xəstəliktörədici mikro orqanizmlər barədə bəhs edən ilk insan deyildi təbii ki. o, dövrünə görə etdiyi araşdırmalar baxımından möhtəşəm bir müşahidə qabiliyyəti, fürsətləri dəyərləndirmə və hadisələri dəyərləndirib məntiqi nəticə çıxarma bacarığına sahib idi. kristalizasiya üzrə araşdırmaları zamanı mikroorqanizmlərlə maraqlanmağa başladı və sıravi kimyasal üsullarla istehsal olunan tartar turşusu kristallarının hər zaman üçün optik olaraq neytral olduğunu, mikroorqanizmlər hadisəyə daxil olduqdan sonra əldə etdiyi kristalların isə polarizasiya işığı əks istiqamətdə çevirdiyini göstərdi. bu oldu, ona ilham verən!

(bax: tartar) 1.
(baxma: tartar turşusu) 2.

yaşayan mikroskopik canlıların xüsusi gücləri olduğuna özünü inandırdı və çörək hazırlanması, pivə istehsalı və fermentasiyada istifadə olunan maya və sənayədə vacib olan digər mikroorqanizmlərin xüsusiyyətlərini araşdırmağa məcbur elədi.

spontan generasiya .

spontan generasiya ilə bağlı ikonik təcrübələri onu 1860cı illərin əvvəlində xeyli məşğul edir. tarixin ironiyasına baxın, darvinin növlərin mənşəyi kitabı da 1859cu ildə yayınlanır. bundan sonra necə bir effekt yaradır, düşünməyə çalışın. məhlulların sterilizasiyası üçün qaynatdıqdan sonra hava yolu ilə başqa maddələrin yoluxmasının qarşısını almaq məqsədi ilə istifadə etdiyi məşhur qu boyunlu şüşə balonları, onun sevgi ilə gözümüzdə canlandırdığımız simvollarından biri, bir parçasıdır.

ona görə, bu təcrübələr öz-özünə çoxalmanın olmadığını göstərirdi və bu onu bir həmkarı ilə mübahisəyə sürüklədi. hansı ki, adətən maye içində yığın şəklində hərəkət edən orqanizmlər tapdığını iddia edirdi. paster mübahisələrdən qalib ayrılırdı. ancaq laboratoriya dəftərlərinə baxanda "müvəffəqiyyətlə nəticələnməyən" yekunları da görərik. məsələn pasterin işlədiyi basillərdən biri temperatura dayanıqlı olduğu üçün negativ nəticə verirdi. bunları gizləyirdi paster və rəqiblərinin bundan istifadə etməsinə imkan vermirdi. bunu da elm adamı üçün qızğın rəqabət dönəmində, qərarsız teoriyalarla dolu bir mühitdə vacib amillərdən biri olaraq qeyd eləməmək haqsızlıq olardı.

fermentasiyanı açıqlamaq.

paster spontan generasiya təcrübələrinə əlavə olaraq, maya və digər canlıların pivə, şərab və ya süd hazırlanmasında xüsusi reaksiyaların səbəbi olaraq rol oynaması ilə əlaqəli araşdırırdı. şvann və digər alman elm adamları bu reaksiyaların sadəcə kimyəvi olduğunu irəli sürürdülər. paster mikroorqanizmlərin rolu olması mövzusunda israrlı və araşdırmalarında iradəli idi. bilirsiz onun bu qərarlılığı nəyə səbəb oldu? müasir pasterizasiya deyilən hadisənin yaranmasına, bu, istehsal prosesinin vacib bir parçasının indiki halını alması üçün yolun başlanğıcına. bir anlıq pasterizasiya olmadan dünyamızı xəyal etməyə çalışın.

(baxma: schwann hüceyrələri)
(baxma: Theodor Schwann)

təqribən 1870ci illərdə artıq o qədər məşhurlaşır ki, fransa dövləti ona ehtiyac duymağa başlayır. ipəkqurdunda ipək sənayesini təhdid edən bir xəstəliyi araşdırması istənilir. bu xəstəliklərin səbəbi olan 2 mikroorqanizmi təspit edir və onların qarşısını alma metodlarını göstərir.

bu işin ardından, xəstəliklə əlaqəli bir mikrob nəzəriyyəsindən getdikcə daha çox danışmağa, bakteriyaların xəstəliyə səbəb olma bacarıqları və təsirlilikləri məsələsinə özünü həsr eləməyi qərara alır.

Bacillus anthracis.

qarayara (şarbon) xəstəliyini araşdırmağa başlayır. bir çox bakterial infeksiyadan fərqli olaraq, heyvanlar və ya insanlar xəstəliyə tutulanda bakteriya qandan alınan preparatlarda rutin olaraq görülə bilir. bakteriyanın xəstəliyin törədici olaraq qəbul olunur və paster rəqibləri ilə paralel olaraq xəstəliyə səbəb olmadan immunitet qazandıra bilməsi üçün bakteriyanı zəiflətməyin yollarını axtarır. ferma heyvanlarına peyvəndi inyeksiya edərək bütün media və insanların gözünün önündə məsuliyyəti öz üzərinə götürür. nəticədə peyvənd olunanlar sağ, digər heyvanlar ölü olaraq ortaya çıxır. bu, dünya miqyasında bir xəbər oldu. bu hadisənin qəhrəmanı elə o paster idi ki, edvar cennerin şərəfinə vaksinasiya terminini yayğınlaşdırdı və termin halına gətirdi!

(bax: edward jenner)
(baxma: vaksinasiya)

bu cizgi film hadisələri zehninizdə daha qalıcı edə bilər.

bu hadisədən sonra pasterin bütün həyatı artıq xalqın gözünün önündə idi. buna hazır idi əslində. böyük biri olmaq böyük məsuliyyət istəyir sözünü eşitməmiş olmazsınız. növbədə quduzun müalicəsi idi. hər kəs ondan bu qorxunc xəstəliyə çarə tapmasını istəyirdi!

rhabdovirus.

paster haradan başlayacağını bilmirdi. çünki quduzun törədicisi bir bakteriya deyil, virus idi. virus sözü belə elmə ilk dəfə latıncadan zəhər olaraq, Dmitri Ivanovsky tərəfindən elmə gətirilmədən öncə məlum deyildi. belə bir canlının varlığı barədə təsəvvür yox idi, virusların xəstəliktörədici potensialları bioloji olaraq sadəcə 20ci əsrdə ortaya qoyularaq sübut olundu. elektron mikroskopun sayəsində.

gözübağlı şahmat oynamağa bənzər bir vəziyyətlə qarşı-qarşıya idi. o, "bakteriyanı" tapmaqdansa, başqa bir yönə diqqətini verdi. simptomların daha çox sinir sistemi infeksiyasına işarə etdiyini gördü. dovşanların onurğa beyinləri üstündə çalışdı və infeksiyaya yoluxmuş olanlarda quduzun törədicisini daha az təsirli şəklə gətirməyin yolunu tapdı. quduz bir it və ya başqa heyvan tərəfindən dişlənmə anı ilə qurbandakı simptomların inkişafı arasında olan gizli qalma müddəti, dişlənmiş olan insandakı immun sistemi hərəkətləndirmək üçün zaman ola biləcəyi mənasına gəlirdi. dəqiq şəkildə hesablanmayacaq o qədər çox şey vardı ki, belə bir yoldan getmək indiki dövrdə belə böyük problemlərə yol açardı. paster quduzun müalicəsini uğurla ərsəyə gətirdi. və xalq arasında çox yüksək mənafeyə sahib biri olaraq həyatına davam elədi.

onun xəstəsi joseph meister çobanlıqla məşğul olan bir uşaq idi. o quduzdan sonra həyatda qalan ilk insan idi və ondan sonra da bir çox xəstənin yaşaması təmin olundu. avropanın dörd bir yanından xəstələrin parisə axını var idi, qurtarıcı pasterdən şəfa diləmək üçün!

paster instutu quruldu. 1888ci ildə açıldı. böyük bir hissəsi xalqın maliyyə dəstəyi ilə baş tutdu. ardından fransada bir zəncirvari reaksiya kimi çoxlu universitetlər bunu izlədi. ölkənin elmi təməlinin qurulmasında önəmli rolu oldu. paster institutları əksərən peyvənd və başqa bioloji məhsulların istehsalı ilə, tibbi araşdırmalarla məşğul olurdular ki, hələ də olurlar. paster öz adını daşıyan bu yerdə 10 il rəhbərlik etmişdi.

paster robert kochun da mikrobiologiya elminə böyük qatqıları üçün ciddi stimul, dayaq və kömək olmuşdu. bəli, xolera xəstəliyinin, tuberkulozis, yəni vərəmin qarşısını alan insandan bəhs edirik!

Julius Richard Petrinin məşhur petri qabını və mikrobioloji çoxalma sahəsində gördüyü vacib işlərin başında robert koh dururdu. o, petrinin müəllimi idi.

waldemar haffkine rus bakterioloq idi. o, vərəmin törədicisinin yayılma yolunu, kohdan ilhamlanaraq müzakirələrə qoymuş, epidemioloji problemlərin çoxunu cavablamışdı.

friedrich löffler artıq mikrob nəzəriyyəsinin qəbul gördüyü dönəmdə idi və koh postulatlarını ən açıqlayıcı şəkildə izah etmişdi. difteriya üzərinə, löffler deyirdi:

əgər difteriya mikroorqanizmin törətdiyi bir xəstəlikdirsə 3 postulatın reallaşmış olması zəruridir. bir xəstəliyin parazitik təbiətini bu şəkildə göstərmək vacibdir.

1)orqanizmin xəstəliyə tutulan hissəsində mövcud olduğu göstərilməlidir.
2)davranışını müəyyənləşdirmək üçün törədici mikroorqanizma izolyasiya olunmalı və xüsusi şəraitdə saxlanılmalıdır.
3)mikroorqanizmin xəstəliyə səbəb olması təcrübə yolu ilə ispatlamalıdır.

daha yaxşı izahı kim verə bilərdi ki? axı o, robert kohun tələbəsi idi!

ümid eliyirəm lui paster haqqında azacıq təsəvvür yarada bildim. onun haqqında təsvirlərinizi qalıcı etmək üçün lui pasterin hekayəsi deyə filmi izləyə bilərsiniz.

paster 73 yaşında vəfat edir və institutunda yeraltı məqbərəsi qurulur.

* istəyirəm entryni pasterin bu stimulverici sitatı ilə bitirim: şans, ona hazır olan zəkaları tərcih edir.

davide moscardelli | idman